Оюу Толгой болон Рио Тинто компаниуд нь уул уурхайн бизнесийг тогтвортой хөгжлийн үзэлд тулгуурлан хамтрагч талуудад ашигтай, орон нутгийн хөгжлийг дэмжсэн, байгаль орчинд ээлтэй байдлаар эрхлэх эрхэм зорилготой.

Монгол Улсын боловсролын салбарыг дэмжих үйл ажиллагааны хүрээнд уул уурхай болон бусад холбогдох чиглэлээр суралцаж байгаа шилдэг оюутнуудад зориулан 2011-2012 оны тэтгэлэгт хөтөлбөрийг зарлаж байна.

Тэтгэлэгт хөтөлбөрийн ерөнхий шалгуур:

• Монгол Улсын иргэн байх
• Дотоодын магадлан итгэмжлэгдсэн их дээд сургуулийн 3, 4 дүгээр дамжааны өдрийн ангийн оюутан байх
• Уул уурхай, Геологи, Механик, Цахилгаан, Хими, Барилгын инженер, Байгаль орчны чиглэлээр суралцаж байх
• Сурлагын голч дүн 3.2-оос дээш байх
• Бусад тэтгэлэгт хөтөлбөрт хамрагдаагүй байх

Энэхүү хөтөлбөрт 55 оюутан сонгон шалгаруулж авах бөгөөд дараах тэтгэлэгийг олгоно. Үүнд:

• Жилийн сургалтын төлбөр
• Сар бүр 200,000 төгрөгийн тэтгэлэг
• Хөдөө орон нутгийн оюутнуудын дотуур байрны төлбөр
• Cонгогдсон оюутнууд Оюу Толгой болон Рио Тинто компаниудад дадлага хийх боломжтой
• Шаардлага хангасан төгсөгчид Оюу Толгой компаниас зарласан ажлын байранд ажиллахаар өргөдөл гаргавал давуутайд үзнэ.

Бүрдүүлэх материал:

• Бүрэн бөглөсөн анкет (энд дарж word файлаар, энд дарж pdf файлаар татаж авна уу)
• 500-600 үгтэй эссэ. Одоо суралцаж байгаа мэргэжлээ яагаад сонгосон, сургуулиа төгсөөд эзэмшсэн мэргэжлийнхээ дагуу хэрхэн ажиллахаар төлөвлөж байгаа, нийгэмд тустай үйл ажиллагаанд хэрхэн оролцдог талаараа дэлгэрэнгүй бичнэ үү?
• Сургуулийн тодорхойлолт
• Иргэний үнэмлэхний хуулбар
• Суралцсан хугацааны албан ёсны дүнгийн хуулбар
• 1 хувь цээж зураг

Өргөдөл хүлээн авах эцсийн хугацаа: 2011 оны 9-р сарын 19-ний өдрийн 17:00 цаг

Анхан шатны шалгаруулалтад тэнцсэн оюутнуудыг ярилцлагад урина

• Хугацаанаас хоцорсон болон дутуу бүрдүүлсэн материалыг хүлээж авахгүй
• Ирүүлсэн материалыг буцаан олгохгүй.

Сонирхсон оюутнууд шаардлагатай материалыг монгол хэл дээр бүрэн бүрдүүлэн дараах хаягаар ирүүлнэ үү.

Зориг Сан (Гадаад харилцааны яамны зүүн талд)
Энхтайваны өргөн чөлөө – 17
Улаанбаатар хот
Утас: 315-444